Georgian Airways – ქართული კერძო ავიაკომპანიაა, რომელიც 1993 წლის სექტემბრიდან ახორციელებს რეისებს თბილისის საერთაშორისო აეროპორტიდან ევროპისა და ახლო აღმოსავლეთის ქვეყნების მიმართულებით. 2004 წლამდე მას „აირზენა“ ეწოდებოდა.
ავიაკომპანია თავდაპირველად ჩარტერულ რეისებს ახორციელებდა არაბთა გაერთიანებულ საემიროებში, ჩინეთში, იტალიაში, ეგვიპტეში, სირიაში და ინდოეთში. რეგულარულ რეისებს კი – ავსტრიაში.
დაარსებიდან რამდენიმე წელში, კომპანიამ წარმატებით მოიკიდა ფეხი საერთაშორისო ბაზარზე და ის საქართველოს წამყვანი ავიაკომპანიაც გახდა. 2000 წელს ჯორჯიან ეარვეისმა ორი BOEING737-500 ჩამოიყვანა გერმანიიდან და მას შემდეგ აქტიურად აგრძელებს ამ მხრივ განვითარებას.
დღესდღეისნობით ჯორჯიან ეარვეისი აწარმოებს სტაბილურ სამგზავრო და სატვირთო ფრენებს და ფოკუსირებულია უსაფრთხოებაზე. მისი ახლანდელი საჰაერო ფლოტი თანამედროვე თვითმფრინავებისგან შედგება და მგზავრებს კომფორტულ ფრენებს სთავაზობს.
ავიაბილეთების შეძენა შეგიძლიათ თბილისის და ბათუმის საერთაშორისო აეროპორტიდან.
Georgian Airways-ის ბარგის გადაზიდვის პოლიტიკა
ავიაკომპანიას გააჩნია ავიაბილეთის 4 კატეგორია: Light, Standart, Flex და Business.
- Light კატეგორიის ავიაბილეთები მოიცავს: 1 ცალ ხელბარგს 8 კგ-მდე (115 სმ).
- Standart კატეგორიის ავიაბილეთები მოიცავს: 1 ცალ ხელბარგს 8 კგ-მდე და 1 ცალი რეგისტრირებული ბარგი 23კგ-მდე.
- Flex კატეგორიის ავიაბილეთები მოიცავს: 1 ცალ ხელბარგს 8 კგ-მდე და 1 ცალი რეგისტრირებული ბარგი 23კგ-მდე.
- Business კატეგორიის ავიაბილეთები მოიცავს: 1 ცალ ხელბარგს 12 კგ-მდე და 2 ცალი რეგისტრირებული ბარგი 32კგ-მდე თითოეული.
თვითმფრინავის ბორტზე, ხელბარგის სახით, რეკომენდებულია შემდეგი ნივთების ატანა: პირადობის დამადასტურებელი მოწმობა, პასპორტი, მობილური ტელეფონი, ლეპტოპი, ფული, საქმიანი დოკუმენტები, ფოტო-ვიდეო კამერა, ძვირფასი ნივთები და ა.შ.
2 წლამდე ასაკის ბავშვებისთვის (ადგილის გარეშე), ნებადართულია 1 ცალი უფასო ბარგი რომლის ზომა არ უნდა აღემატებოდეს 115 სმ და 10 კილოგრამს.