ბათუმის საერთაშორისო აეროპორტი ალექსანდრე ქართველის სახელობისაა. მდებარეობს ბათუმის სამხრეთით. ასაფრენ-დასაფრენი ზოლი წარმოდგენილია ჭოროხის მარჯვენა სანაპიროზე. აეროპორტი ფუნქციონირებს 2007 წლიდან და ის შ.პ.ს. TAV Urban Georgia-ს მმართველობაში იმყოფება.
2021 წლის მარტში აეროპორტს ახალი ტერმინალი დაემატა და დღეისთვის 1 000 000-ზე მეტი მგზავრის მომსახურება შეუძლია.
რეგისტრაცია ბათუმის აეროპორტში
რეკომენდირებულია რომ მგზავრებმა საერთაშორისო რეისის შესრულებამდე 2 საათით ადრე გაიარონ რეგისტრაცია, ხოლო ადგილობრივი რეისისთვის – 1,5 სთ ადრე.
ბათუმის საერთაშორისო აეროპორტი უზრუნველყოფს ტრანსპორტირებას
ტაქსი – ტაქსის მომსახურებით სარგებლობა შესაძლებელია აეროპორტიდან გამოსვლისთანავე, ქალაქის ცენტრამდე დაგჭირდებათ დაახლოებით 15 წუთი.
ავტობუსი – გაჩერება მდებარეობს ტერმინალის წინ, ავტობუსით ქალაქის ცენტრამდე მგზავრობას დაახლოებით 20 წუთი სჭირდება.
პარკირება – ბათუმის აეროპორტში პარკირება 100 ავტომანქანაზეა გათვლილი. ის სრულად არის აღჭურვილი მომხმარებლის მოთხოვნების შესაბამისად. გაითვალისწინეთ, პარკირება ფასიანია.
ბანკები და ბანკომატები
ბათუმის აეროპორტში შეხვდებით საქართველოს ბანკს და ბაკ რესპუბლიკას სერვისცენტრებს. ისინი განთავსებულია გამგზავრების დარბაზში.
კვება და მაღაზიები
ბათუმის აეროპორტი მგზავრებს სთავაზობს მრავალფეროვან საკვებდა და სასმელს, რომლითაც კაფე კანტინი უმასპინძლდება . კაფე მდებარეობს გამგზავრების დარბაზში.
რაც შეეხება სავაჭრო ობიექტებს, აქ შეგიძლიათ შეიძინოთ როგორც სუვენირები, ასევე საჩუქრებიც თქვენი ახლობლებისთვის.
აეროპორტში არის “პრაიმკლას” დარბაზი
პრაიმკლას დარბაზი მდებარეობს პირველ სართულზე, მარჯვენა მხარეს. გათვლილია 60 ადამიანზე. იქ შეგიძლიათ გაეცნოთ ჟურნალ-გაზეთებს, უყუროთ ტელევიზორს, დააგემოვნოთ ალკოჰოლური და უალკოჰოლო სასმელები, წაიხემსოთ.
ამ მომსახურებით სარგებლობა ფასიანია. შეღავათებით სარგებლობენ ჩვილები და ბავშვები.
რომელი ავიაკომპანიები დაფრინავენ ბათუმის საერთაშორისო აეროპორტი – დან?
ბათუმის აეროპორტს გახსნის დღიდან მხოლოდ ხუთი ავიაკომპანია ემსახურებოდა, ახლა კი მისი რიცხხვი საგრძნობლად გაიზარდა. არის ისეთი ავიაკომპანიებიც, რომლებიც მხოლოდ სეზონურად ემსახურებიან აეროპორტს.
ავიაკომპანიების არასრული ჩამონათვალი ასე გამოიყურება: Belavia ; Fly Dubai ; Turkish Airlines, Ural Airlines, Georgian Airways, Air Arabia, Red Wings და სხვ.
ბათუმის აეროპორტიდან საერთაშორისო ფრენები სრულდება:
- ბათუმი – სტამბოლის მიმართულებით
- ბათუმი – კიევის მიმართულებით
- ბათუმი – ხარკოვის მიმართულებით
- ბათუმი – ერევანის მიმართულებით
- ბათუმი – თეირანის მიმართულებით
ბათუმის საერთაშორისო აეროპორტი რეაგირებას ახდენს დაკარგულ, ნაპოვნ ან/და დაზიანებულ ნივთებზე
ჩამოფრენის დარბაზში განთავსებულია პუნქტი, სადაც შეძლებთ დაკარგულ ან დაზიანებულ ნივთებზე ინფორნაციის მიღებას, ისინი ოპერატიუალ მოახდენენ რეაგირებას თქვენს მიერ მიწოდებულ ინფორმაციაზე და გაგიწევენ დახმარებას.
საინფორმაციო ბიურო
საინფორმაციო ბიურო მდებარეობს გამგზავრების დარბაზში და მგზავრებს 24 საათის განმავლობაში ემსახურება. აწვდიან ინფრომაციას სერვისებზე, ავიარეისებზე და სხვადასხვა საკითხებზე.