ქუთაისის საერთაშორისო აეროპორტი (კოპიტნარის აეროპორტი) დავით აღმასენებლის სახელობისაა. მდებარეობს ქუთაისიდან 30 წუთის სავალზე. ის ერთ-ერთია იმ აეროპორტებს შორის, რომლებიც საქართველოდან საერთაშორისო ფრენებს ასრულებს.
საფრენი ბილიკის სიგრძე 2 600 მერტია და ის სრულად აკმაყოფილებს თანამედროვე სტანდარტებს. აეროპორტი გათვლილია 600 მგზავრზე, ფრენები კი სრულდება უწყვეტად დღე-ღამის განმავლობაში.
რა არის აეროპორტის მიზანი?
ქუთაისის აეროპორტის პრიორიტეტი დაბალბიუჯეტური კომპანიების მიზიდვაა, რათა საქართველო გახდეს ტურისტულად მიმზიდველი ქვეყანა და ჩვენს მოქალაქეებს შეეძლოთ ხელმისაწვდომ ფასად გამგზავრება სხვადასხვა მიმართულებით.
რომელი კომპანიები ანხორციელებენ ფრენებს ქუთაისის საერთაშორისო აეროპორტი – დან?
ქუთაისის საერთაშორისო აეროპორტში 3 ავიაკომპანია 14 ქვეყნის 25 მიმართულებით ოპერირებს. ესენია: Wizz Air, Belavia, FlyArystan.
Wizz Air – უნგრული კომპანიაა. საქართველოდან 2012 წლიდან ასრულებს ავიარეისებს და ის მხოლოდ ქუთაისის აეროპორტს ემსახურება.
Belavia – ბელარუსის ეროვნული ავიაკომპანიაა. ეს კომპანია თავაპირველად ფრენებს თბილისიდან და ბათუმიდან ანხორციელებდა, შემდეგ კი ქუთაისის აეროპორტსაც დაემატა.
FlyArystan – ყაზახური ავიაკომპანიაა. რომელიც ასევე გამოირჩევა დაბალბიუჯეტური ავიაბილეთებით.
რომელი მიმართულებით სრულდება პირაპირი ფრებები ქუთაისი აეროპორტიდან?
ესენია: ბარსელონა, ბუქარესტი, პარიზი, პრაღა, რომი, ლონდონი, ვარშავა, მილანი, სალონიკი, ვილნიუსი, ლარნაკა, დორტმუნდი, ბუდაპეშტი და სხვ.
როგორ გავიაროთ რეგისტრაცია აეროპორტში?
ქუთაისის აეროპორტი დაშორებულია დასახლებულ პუნქტებს, ამიტომ, კარგი იქნება რომ გაითვალისწინოთდა დროულად გაემგზავროთ, რათა თავიდან აიცილოთ შეფერხებები. ამასთანავე, როგორც იცით, რეგისტრაციისთვის სასურველია აეროპორტში გამოცხადდეთ 2 საათით ადრე.
თუ მგზავრი რეგისტრაციის პროცესს (Check inn) ონლაინ გაივლის, ქუთაისის აეროპორტში მან უნდა წარადგინოს ჩასხდომის ბარათი, ბეჭდური სახით.
ქუთაისის საერთაშორისო აეროპორტი უზრუნველყოფს ტრანსპორტირებასაც
ქუთაისის აეროპორტში 124 საპარკინგე ადგილია, ამ მომსახურების მიღება მგზავრებს დღის ნებისმიერი დროს, 24 საათის განმავლობაში შეუძლიათ. გაითვალისწინეთ, რომ პარკირება ფასიანია და განსხვავდება მანქანის ტიპის მიხედვით.
როგორც უკვე ავღნიშნეთ, ქუთაისის საერთაშორისო აეროპორტი დაშორებულია დასახლებულ პუნქტებს. მგზავრებს, რომლებსაც არ აქვთ კერძო ავტომობილი, შეუძლიათ ისარგებლონ სპეციალურად გამოყოფილი კერძო კომპანიების ავტობუსითა და მიკროავტობუსით. ბილეთის შეძენა ხდება ონლაინ ან შეგიძლიათ სატელეფონო ზარის მეშვეობითაც დაჯავშნოთ.
ბანკები და ბანკომატები: ქუთაისის აეროპორტში შეგიძლიათ ისარგებლოთ თიბისი ბანკის, ლიბერთი ბანკისა და ქართუ ბანკის ბანკომატებით. მათ შეხვდებით აეროპორტის ტერმინალის საერთო ზონაში.
კვება: აეროპორტში იგეგმება კვების ობიექტის გახსნა. საქართველოს აეროპორტების გაერთიანება ქართულ კერძებზე ორიენტირებულ კვების ობიექტებს იწვევს რადგან უცხოელი ტურისტებისთვის, რომლებიც საქართველოში ჩამოდიან, უმნიშვნელოვანესია სწორედ ქართული სამზარეულოს დაგემოვნება, განსაკუთრებით კი იმერეთის რეგიონში.