დაჯავშნეთ “საოცნებო” იაფი ავიაბილეთი, ჩაალაგეთ ბარგი და დარწმუნდით, რომ ამჯერად ნამდვილად ბიუჯეტურად იმოგაურებთ.
ხშირად, პრობლემა დიდ ხარჯებში კი არა, იმ მცირე, შეუმჩნეველ შეცდომებშია, რომლებიც დღითი დღე აცარიელებს თქვენს საფულეს. ეს ის ფულია, რომელიც შეგეძლოთ შემდეგი მოგზაურობისთვის შეგენახათ ან მოგზაურობისას სხვადასხვა აქტივობებისთვის შეგენახათ.
ამ სტატიაში ჩვენ გამოვააშკარავებთ 5 ყველაზე გავრცელებულ ფინანსურ “ხაფანგს” და გასწავლით, როგორ აუაროთ მათ გვერდი.
შეცდომა N1: აეროპორტიდან ტაქსით ტრანსპორტირება
ჩაფრინდით უცხო ქალაქში. პირველი, რასაც აკეთებთ, უახლოეს ტაქსიში ჯდებით, რომელიც პირდაპირ გასასვლელთან გელოდებათ. ეს არის ნომერ პირველი “ტურისტული ხაფანგი”, რომელიც მგზავრობას მყისიერად 50-100 ევროთი აძვირებს.
გამგზავრებამდე ზუსტად 10 წუთი დაუთმეთ კვლევას. თითქმის ყველა აეროპორტს აქვს სპეციალური ავტობუსი (shuttle bus), მატარებელი ან Bolt/Uber/Grab-ის გამოძახების წერტილი, რომელიც 3-4-ჯერ იაფია, ვიდრე აეროპორტის ტაქსი.
შეცდომა N2: კვება “ტურისტულ ზონებში”
თქვენ მიირთმევთ პიცას მთავარ მოედანზე, საიდანაც საოცარი ხედი იშლება… და იხდით 3-ჯერ მეტს საშუალო ხარისხის საკვებში. გახსოვდეთ, ეს რესტორნები ხედს ყიდიან და არა კარგ სამზარეულოს.
გადაუხვიეთ მთავარი ტურისტული ქუჩიდან ორი კვარტლის მოშორებით. თქვენ მყისიერად იპოვით უკეთეს, ავთენტურ და ბევრად იაფ რესტორნებს, სადაც ადგილობრივები სადილობენ. კიდევ უკეთესი, იქირავეთ ბინა სამზარეულოთი და საუზმე მოიმზადეთ თავად. ეს უდიდესი დანაზოგია.
შეცდომა N3: დაფარული გადასახადების დავიწყება
თქვენი ავიაბილეთი უცებ ძვირდება, რადგან დაჯავშნისას არ გაითვალისწინეთ ბარგის, ადგილის არჩევის ან აეროპორტში ჩექინის საფასური.
დაბალბიუჯეტური ავიაკომპანიებით მგზავრობისას ავიაბილეთის ყიდვამდე ყოველთვის გაეცანით პირობებს. იმოგზაურეთ ხელბარგით, როცა ეს შესაძლებელია და ყოველთვის გაიარეთ ონლაინ ჩექინი.
შეცდომა N4: თარიღებსა და ლოკაციებზე
მაგალითად, თქვენ გადაწყვიტეთ, რომ აუცილებლად გინდათ პარიზში წასვლა 1-დან 5 აგვისტომდე. ეს არის სეზონის პიკი. ფასები კატასტროფულია, ტურისტების ნაკადი დიდია, ტემპერატურა კი – შემაწუხებელი.
იყავით მოქნილი. გამოიყენეთ aviabiletebis საძიებო სისტემები და შეადარეთ მთელი თვის ფასები. ხშირად, 2 დღით გვიან ან ადრე გაფრენა ფასს თითქმის ანახევრებს. შეძლებისდაგვარად იმოგზაურეთ ისეთ თვეებში, როგორიცაა – მაისი, სექტემბერი და ოქტომბერი.
შეცდომა N5: ავიაბილეთების მიწურულში ყიდვა
როდესაც ავიაბილეთებს ახლო პერიოდში ყიდულობ, ხშირად ფასები ძალიან ძვირია. ეს განპირობებულია იმით, რომ თვითმფრინავში ადგილების რაოდენობა თითქმის შევსებულია და შესაბამისად, ფასები გაზრდილია.
თუ ბიუჯეტურად გინდათ მოგზაურობა, ავიაბილეთები ფრენამდე 1-1.5 თვით ადრე უნდა დაჯავშნოთ. ეს ერთ-ერთი მნიშვნელოვანი ფაქტორია იაფი მოგზაურობის დასაგეგმად.
როგორც ხედავთ, ბიუჯეტური მოგზაურობა ნიშნავს არა ნაკლებ გართობას, არამედ უბრალოდ ფულის ჭკვიანურად ხარჯვას და გავრცელებული ხაფანგების არიდებას. თქვენს საფულეს ყველაზე მეტად არა მოგზაურობა, არამედ არასწორად დაგეგმვა აცარიელებს.